Սիրիայի կառավարական ուժերը բռնել են այն թուրք գրոհայինին, որը 2015-ի նոյեմբերին սպանել էր թուրք-սիրիական սահմանին թուրքական օդուժի կողմից խոցված ռուսական ՍՈւ-24 ինքնաթիռի օդաչուներից մեկին:
Այս մասին թուրքական Haber7 լրատվական կայքը գրում է Իրանի կիսապաշտոնական «Fars» լրատվական գործակալությանը հղոըմով:
Առայժմ մանրամասն տեղեկություններ չեն հաղորդվում թուրք զինյալի ինքնության և ձերբակալման հանգամանքների մասին, գրում է Ermenihaber.am-ը:
Նոյեմբերի 24-ին խոցված ռուսական ինքնաթիռի 2 օդաչուները հասցրել էին կատապուլտի միջոցով փրկվել, սակայն օդաչուներից մեկը՝ Օլեգ Պեշկովը ընկել էր թուրքմենների կողմից վերահսկվող տարածքում: Վերջինները սպանել էին ռուս օդաչուին: Տեղեկություններ են շրջանառվում այն մասին, որ այդ շրջանում կռվել են թուրքեր, որոնք, ըստ պնդումների, հիմնականում Թուրքիայի «Ազգայնական շարժում կուսակցության» (ԱԶԿ-AKP) ռազմական թևը համարվող «Գորշ գայլեր» ազգայնական կազմակերպության ներկայացուցիչներ են: