2 մարտի 2016 - 18:25 AMT
Ռիոյի Օլիմպիադային հակադոպինգային անկախ բաժանմունք կգործի

Միջազգային օլիմպիական կոմիտեի գործադիր կոմիտեն որոշում է կայացրել, որ Ռիոյի 31-րդ ամառային Օլիմպիական խաղերի ժամանակ կգործի հակադոպինգային նոր և անկախ բաժանմունք: Այս մասին տեղեկացնում է ՀԱՕԿ լրատվության բաժինը:

Բաժանմունքը կդառնա Սպորտային արբիտաժային դատարանի (CAS) բաղկացուցիչ մասը:

Սպորտային արբիտաժային դատարանի նոր բաժանմունքն անձամբ կզբաղվի հետազոտություններով և որոշումներ կկայացնի հայտնաբերված խախտումների վերաբերյալ: Խաղերի ավարտից հետո բաժանմունքը կվերանայի հետազոտության արդյունքները` ավելի ճշտգրիտ պատկեր ստանալու համար:

Նոր բաժանմունքի ստեղծումը նպատակ ունի հակադոպինգային հետազոտությունները մարզական կառույցներից անկախ դարձնել:

Ռիոյի Օլիմպիական խաղերը կկայանան օգոստոսի 5-21-ը: