Ամերիկահայ պատմաբան Ջորջ Բուռնությանի «Հայ ժողովրդի հակիրճ պատմությունը» գիրքը (A Concise History of the Armenian People) հրատարակվել է ճապոներեն։

528 էջանոց ամուր կազմով գիրքը հրատարակվել է Տոկիոյի Fujiwara-Shoten հրատարակչության կողմից, Asbarez.com-ին հղումով գրում է Tert.am-ը:

Բուռնությանի գիրքը հասանելի է Amazon առցանց խանութում` $84-ով:

Աշխատությունը թարգմանվել է ճապոնացի պրոֆեսորներ Շոհեյ Կոմակիի ու Դաիսակու Վատանաբեի ջանքերով:

«Հայ ժողովրդի հակիրճ պատմությունը» աշխատությունն արդեն թարգմանվել է հայերեն, թուրքերեն, արաբերեն, իսպաներեն, ռուսերեն. շուտով կներկայացվի նաև պարսկերեն տարբերակը:

Այս գիրքն ակտիվորեն օգտագործվում է բազմաթիվ արտասահմանյան բարձրակարգ բուհերում: