Անկարայում քրդերեն և թուրքերեն հրատարակվող «Ռոզա» ամսագիրը հանվել է վաճառքից: Պատճառը եղել է Հայոց ցեղասպանության թեմայով շապիկի տպագրումը
Ամսագրի 2015-ի համարներից մեկում «ահաբեկչական խմբավորման օգտին քարոզչություն» անելու մեղադրանքով ձերբակալվել է ամսագրի գլխավոր խմբագիր Մեհմեթ Սալիհ Էրշարին, Cumhuriyet-ին հղումով գրում է Ermenihaber.am-ը:
Մարտի 6-ին Անթալիայի օդանավակայանում ձերբակալված խմբագիրը ցուցմունք տալուց հետո ազատ է արձակվել, բայց դեռ ոստիկանության շենքից դուրս չեկած՝ կրկին ձերբակալվել է: Ձերբակալման պատրվակ է հանդիսացել նրա մոտ հայտնաբերված «Ռոզա» ամսագրի 6-րդ համարը:
Խմբագրին հայտնել են, որ ամսագրի՝ վաճառքից հանելու վերաբերյալ որոշումը կայացվել է մեկ տարի առաջ՝ Հայոց ցեղասպանության թեմայով շապիկի և նյութի պատճառով: Երկլեզու ամսագրի խմբագիր Էրշարին իր ցուցմունքում ընդգծել է, որ վաճառքից հանվելու վերաբերյալ որևէ դատական որոշման ծանուցում ինքը չի ստացել:
