Մոսկվայում ընթացող շախմատի Հավակնորդների մրցաշարի 11-րդ փուլում հայ գրոսմայստեր Լևոն Արոնյանը սպիտակներով պարտվել է Պյոտր Սվիդլերին:

Փուլի արդյունքներով Արոնյանը կիսում է 4-6-րդ տեղերը՝ 5,5 միավոր հավաքելեվ և մեկ միավորով հետ է մնում առաջատարներ Ֆաբիո Կարուանայից և Վիշվանաթան Անանդից: Սերգեյ Կարյակինը ունի 6 միավոր:

Հայ շախմատիստը 10 տուրում 7 ոչ ոքի է խաղացել, երկու անգամ հաղթել է (Տոպալովին ու Նակամուրային) և երկու պարտություն կրել (Անանդից, Սվիդլերից):

Հավակնորդների մրցաշարն անցկացվում է 14 փուլով, կունենա 4 հանգստյան օր և եզրափակվի մարտի 30-ին: Մրցաշարի հաղթողը իրավունք կստանա պայքարելու աշխարհի չեմպիոնի Մագնուս Կարլսենի հետ նոյեմբերին Նյու Յորքում կայանալիք աշխարհի չեմպիոնի տիտղոսի համար մրցախաղին:

2013-ին Արոնյանը ձախողել էր Հավակնորդների մրցաշարը Լոնդոնում: Նա կիսել էր 6-7-րդ հորիզոնականները ռուսաստանցի Պետեր Սվիդլերի հետ: Մրցաշարի հաղթող է ճանաչվել Անանդը, ով հետագայում պարտվել էր Կարլսենին չեմպիոնական մրցամարտում:

Կարդացեք նաև. Տոպալով. Արոնյանի հետ խաղում արժանի չէի նույնիսկ ոչ ոքիի