Հայաստանը իր բողոքն է արտահայտել Իսրայելին`Ադրբեջանին զենք-զինամթերք վաճառելու փաստի առնչությամբ:

Ինչպես հայտնում է Haaretz պարբերականը, բողոքը, մասնավորապես, վերաբերվում է Ադրբեջանին կամիկաձե-անօդաչուների վաճառքին: Դրանցից մեկի` հայկական ավտոբուս խոցելուց հետո զոհվել էր 7 կամավորական:

Եգիպտոսում Հայաստանի դեսպան Արմեն Մելքոնյանն, ով նաև Իսրայելում ՀՀ դեսպանն է, հանդիպել է ԱԳՆ եվրասիական մասնաճյուղի ղեկավար Դեն Օրիանին` փոխանցելով հայկական կողմի խիստ դժգոհությունը Ադրբեջանին զինելու փաստի վերաբերյալ:

2007 թվականին Իսրայելն ու Ադրբեջանը $1,6 մլրդ-ի զենքի մատակարարման պայմանագիր էին կնքել: Բացի անօդաչուներից, Իսրայելը մատակարարում է Ադրբեջանին ռադարներ, հակատանկային հրթիռներ, ականանետեր, գիշերային տեսանելիության սարքեր, այլ ռազմական պարագաներ:

Կարդացեք նաև. Ինչպե՞ս պայքարել մահաբեր անօդաչուների դեմ. ՏՏ ոլորտն առաջարկում է իր մեթոդները