Ապրիլի 29-ին Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ջոն Քերին հեռախոսազրույց են ունեցել:
Զրույցի հիմնական թեման սիրիական ճգնաժամի կարգավորումն էր՝ հրադադարի ռեժիմի պահպանմանն ուղղված համատեղ ջանքերի, շրջափակված բնակավայրերին հումանիտար օգնության տրամադրման ու կայուն քաղաքական երկխոսության կայացման շնորհիվ: Լավրովը շեշտել է խաղաղ բանակցություններին քրդերի ներգրավման ու սիրիական ընդդիմության ուժերի և ահաբեկիչների տարանջատման անհրաժեշտությունը:
Քննարկվել է նաև Լեռնային Ղարաբաղում և Ուկրաինայում իրավիճակը, ինչպես նաև այլ երկկողմ հետաքրքրության հարցեր:
Ապրիլի 19-ին ՌԴ ԱԳ փոխնախարար Գրիգորի Կարասինը և Մոսկվայում ԱՄՆ դեսպան Ջոն Տեֆտը հանդիպում էին անցկացրել: Նրանք քննարկել էին Անդրկովկասում անվտանգությանն առնչվող հարցեր, այդ թվում իրավիճակը ղարաբաղյան հակամարտության գոտում:
