ՀՀ կառավարությունը թուրքական ապրանքների՝ Հայաստան ներմուծման արգելքի խնդիր չի դրել: Այս մասին լրագրողներին հայտնել է վարչապետ Հովիկ Աբրահամյանը:
«Մենք ուղղակի հետևողական ենք սննդի և նման ապրանքներին նկատմամբ սահմանի վրա, պատկան մարմինները ստուգում են որակը»,- ասել է վարչապետը, գրում է Tert.am-ը:
Հարցին, թե թուրքական ապրանքը ներմուծելու՝ քաղաքական նպատակներով սահմանափակման հարց չի՞ բարձրացվել, Աբրահամյանն արձագանքել է. «Նման հայտարարություն կառավարությունը դեռ չի արել»:
Ղարաբաղա-ադրբեջանական զորքերի շփման գծում քառորյա ռազմական գործողությունների օրերին Թուրքիայի նախագահ Ռեջեփ Էրդողանը քաջալերել էր Ադրբեջանին՝ խոստանալով աջակցել ղարաբաղյան հարցում:
Ապրիլի 21-ին մի խումբ երիտասարդներ Կառավարության շենքի մոտ բողոքի ակցիա արեցին՝ պահանջելով արգելափակել թուրքական ապրանքների մուտքը Հայաստան: Մասնավորապես պահանջել են զարգացնել հայրենական արտադրությունը, իսկ դրա համար փոքր բիզնեսը ժամանակավոր պետք է ազատվի հարկերից:
Ոչ անվտանգ ապրանքները կարգելվեն. Մինասյանը՝ Թուրքիայից և ԵՏՄ-ից ներկրման մասին