Հալեպի Սբ Աստվածածին եկեղեցում տեղի է ունեցել հունիսի 2-ին Նոր գյուղ հայաշատ շրջանում զոհված 4 հայի՝ 1942-ին ծնված Վազգեն Ճապաղջուրյանի, 1949-ին ծնված Խաչիկ Աբուլապությանի, 1967-ին ծնված Հովսեփ Ջանեցյանի և 1954-ին ծնված Լևոն Քելխաչերյանի հոգեհանգիստը:

Նոր գյուղի ուղղությամբ ավելի քան 40 հրթիռ էր արձակվել. վնասվել են բնակարաններ, աշխատավայրեր, հրկիզվել էր մի արհեստանոց, ինչի հետևանքով էլ զոհվել էին հայերը:

Լուրջ վնասներ է կրել հայ կաթողիկե համայնքի Սբ Երրորդությունը՝ «Զվարթնոց» եկեղեցին: Իսկ «Զվարթնոց» վարժարանի համարյա բոլոր դասարանները կիսաքանդ վիճակում են, գրում է Հալեպի «Գանձասար» շաբաթաթերթի ֆեյսբուքյան էջը:

Լուրջ վնասվել է նաև եկեղեցու «Աղաջանյան» սրահը. եկեղեցու բոլոր ապակիները կոտրվել են:

Կարդացեք նաև. «Ջեբհաթ ան Նուսրայի» գրոհայինները հատել են թուրք-սիրիական սահմանը և գրոհել Սիրիայի բանակի դիրքերը