ԱՄՆ Միչիգան նահանգի նահանգապետ Ռիք Սնայդերը ստորագրել է ցեղասպանությունների մասին դասընթացները դպրոցներում ներգրավելու վերաբերյալ օրենքը:
Ինչպես հայտնում է Ամերիկայի հայկական համագումարը, դասընթացները ներառում են Հոլոքոսթի և Հայոց ցեղասպանության դասավանդումը: Խորհուրդ է տրվում կրթական 6-ժամանոցծրագիր՝ 8-12 դասարանների աշակերտների համար:
Համապատասխան օրինագիծը փետրվարի 23-ին ընդունել է նահանգի ներկայացուցիչների պալատը (խորհրդարանի ստորին պալատ):
Դպրոցներում Հայոց ցեղասպանության դասավանդման մասին օրինագիծը դեռ 2014-ի օգոստոսին միաձայն քվեարկությամբ ընդունել է նաև Ամերիկյան Կալիֆորնիա նահանգի Սենատը: Դրանով ցեղասպանությունը վերապրածների ու ականատեսների բանավոր հիշատակությունները կներառվեն նահանգի հանրային դպրոցների մարդու իրավունքների մասին դասընթացի ուսումնական պլանում:
Այսպիսով, օրինգածքի ընդունմամբ Կալիֆորնիան դարձել էր ամերիկյան 12-րդ նահանգը, որտեղ Հայոց ցեղասպանության թեման ներառված է ուսումնական դասընթացների ծրագրում:
