Լևոն Հայրապետյանն իրանական ակումբ է տեղափոխվել
Հայաստանի ֆուտբոլի հավաքականի պաշտպան Լևոն Հայրապետյանը նոր խաղաշրջանում հանդես կգա Թեհրանի «Պայկան» ակումբում:
Ինչպես տեղեկացնում է A1+-ը՝ հղում անելով իրանական ակումբի պաշտոնական կայքէջին, հայ ֆուտբոլիստի հետ կնքվել է մեկ տարվա պայմանագիր:
Ավելի վաղ իրանական «Պադիդեն» հայտարարել է Հայաստանի հավաքականի ու Երևանի «Փյունիկի» պաշտպան Վարազդատ Հարոյանի հետ պայմանագիր կնքելու մասին: Իրանի ավարտված մրցաշրջանում «Պադիդեն» վաստակած 39 միավորով զբաղեցրել է 10-րդ տեղը:
