Համացանցային արտահոսքերի հայտնի հեղինակ Էվանս Բլեսը որոշ մանրամասներ է ներկայացրել ակնկալվող Samsung Galaxy Note 7 վերաբերյալ: Նորամուծություններից մեկը գաջեթում կլինի ներկառուցված աչքի ծիածանաթաղանթի սկաները:
Samsung Galaxy Note 7-ը կունենա Super AMOLED 5,7-դյույմանոց դիսփլեյ QHD թողունակությամբ`2650x1440, 64 Գբ ներկառուցված հիշողությամբ`microSD ձևաչափի քարտերով ընդլայնելու հնարավորությամբ, իսկ Dual Pixel տեխնոլոգիայով 12-մեգապիկսելային տեսախցիկը կաշխատի նույնքան արագ, որքան Samsung Galaxy S7-ը: Դիմային տեսախցիկը կլինի 5-մեգապիկսելանոց, գրում է Gagadget.com-ը:
Սարքն ունի պաշտպանված կորպուս` պաշտպանության աստիճանը IP68, ինչպես Galaxy S7 և S7 еdge մոդելների դեպքում: Պլանշետաֆոնը ներկայացված կլինի սև, արծաթագույն և կապույտ գույներով:
Մինչ այդ լուրեր էին շրջանառվում, որ Samsung Galaxy Note 7-ը կթողարկվի կոր էկրանով, իսկ կախված տարածաշրջանից կունենա Snapdragon 821չիպ կամ Exynos թոփային հարթակ:
Սմարթֆոնի շնորհանդեսը տեղի կունենա 2016-ի օգոստոսի 2-ին, վաճառքը կսկսվի մի քանի շաբաթ անց: