Ադրբեջանի պաշտպանության նախարարությունը տեղեկացրել է, որ հուլիսի 5-ին հայ-ադրբեջանական սահմանին զոհվել է Ադրբեջանի Զու զինծառայող Ալիև Վուսալ Ամիր օղլուն՝ հայկական կողմի դիպուկահարի կրակոցից, գրում է ադրբեջանական APA գործակալությունը:
ՊՆ մամուլի խոսնակ Արծրուն Հովհաննիսյանը տեղեկացրեց PanARMENIAN.Net-ին, որ այս լուրն ադրբեջանական կողմի ապատեղեկատվությունն է:
Հունիսի 22-ին ԵԱՀԿ հերթական դիտարկումը ՀՀ և Ադրբեջանի սահմանին անցել է առանց միջադեպերի: Դիտարկումը տեղի է ունեցել ՀՀ Տավուշի մարզի և Ադրբեջանի Թովուզի շրջանի ուղղությամբ: Հայաստանի կողմից դիտարկմանը հետևել են ԵԱՀԿ գործող նախագահի անձնական ներկայացուցչի դաշտային օգնականներ Իրժի Աբերլեն և Փիթեր Շվեդբերը:
Ադրբեջանական կողմից դիտարկմանը հետևել են ԵԱՀԿ գործող նախագահի անձնական ներկայացուցչի դաշտային օգնականներ Խրիստո Խրիստովը և Սայմոն Թիլլերը: