Աջարիայի կառավարության ներկայացուցիչ Զուրաբ Պատարաձեն ու Բաթումիում ՀՀ հյուպատոս Եղիշե Փարսյանը քննարկել են Հայաստանի ու Աջարիայի միջև ուղիղ չվերթների իրականացումը:

Ինչպես գրում է apsny.ge-ն, հանդիպման ընթացքում կողմերը նշել են, որ ուղիղ ավիակապը կզարգացնի տուրիզմը:

«Հայաստանի ու Աջարիայի միջև երկար տարիներ տարածաշրջանային համագործակցությունը զարգանում է: Տարածաշրջանը նաև երկկողմ հարաբերություններ ունի քույր-քաղաքների հետ, որը ևս պետք է զարգացնել», - նշել է Պատարաձեն:

2016 թվականի առաջին 6 ամսում Վրաստան է այցելել 1.011 մլն զբոսաշրջիկ, աճը կազմել է 18%: Ընդամենը (նաև երկրի տարածքով տարանցող ուղևորներին հաշվի առնելով) Վրաստանը կես տարում ունեցել է 2.6 մլն այցելու (աճը՝ 12%): Այցելուների առաջին եռյակում են Ադրբեջանը, Թուրքիան ու Հայաստանը 686 հազար, 639 հազար և 553 հազար այցելուներով:

Կարդացեք նաև. Հայաստանը 6 ամսում կես միլիոն զբոսաշրջիկ է ընդունել, Վրաստանը՝ 2 անգամ ավելի