Հալեպում օրեր առաջ վիրավորված Սարգիս Կույումջյանը Հալեպի ալ Ռազի հիվանդանոցում մահացել է:

Նրա հուղարկավորությունը տեղի կունենա օգոստոսի 12-ին Սբ Աստվածածին եկեղեցում, տեղեկացնում է Հալեպի «Գանձասար» օրեթերթի ֆեյսբուքյան էջը:

Հուլիսի 16-ին հայտնի է դարձել, որ Հալեպում Գրիգոր Մինասյան անունով պատանի է զոհվել:Մինասյանը զոհվել է իր բնակարանում՝ դրսում ահաբեկիչների կրակոցներից: Հուլիսի 8-ին զինյալ ահաբեկչական խմբավորումների կողմից Հալեպ քաղաքի թաղամասերի հրթիռակոծման հետևանքով զոհվածների թիվը հասել է 40-ի։ Մեծ մասը երեխաներ էին: Հրթիռակոծվել էր Ազիզիէ շրջանը, այնուհետև՝ Հալեպի պետական համալսարանի հանրակացարանի հրապարակը, Ֆըրքան, Մաշարքա, Շեհպէէ Ռոզ, Մերիտիէն, Նոր Գյուղ շրջանները:

«Ջեբհաթ ան Նուսրան» շարունակում է գնդակոծել սիրիական Հալեպ քաղաքն ու մերձակա բնակավայրերը` հուլիսի 6-ին գնդակոծվել է 3 բնակավայր և Հալեպի 2 թաղամաս: