Գերմանիայի զինված ուժերը մտածում են իրենց ինքնաթիռները, որոնք ԱՄՆ կոալիցիայի կազմում թռիչքներ են իրականացնում թուրքական «Ինջիրլիկ» ռազմակայանից դեպի Հորդանան և Կիպրոս, տեղափոխելու մասին: Այդ մասին հայտնում է «Կոմերսանտը» Reuters-ի վրա հղումով:
Որոշ ռազմական աղբյուրներ նշում են, որ այդ պատճառով առնվազն 2 ամսով կարող են ընդհատվել գերմանական ինքնաթիռների հետախուզական թռիչքները: «Մենք կցանկանայինք շարունակել մեր առաքելությունը Թուրքիայի տարածքից, սակայն «Ինջիրլիկ» ավիաբազան ունի այլընտրանք»,-ասել են Գերմանիայի ՆԳՆ մամուլի ծառայության ներկայացուցիչները:
Բացի այդ, սոցիալ-դեմոկրատների կուսակցությունը վստահ է, որ Գերմանիան պետք է դուրս բերի իր ինքնաթիռները թուրքական ավիաբազայից, քանի որ Անկարան հրաժարվեց թույլ տալ գերմանացի պաշտոնյաների այցն ավիաբազա:
Օգոստոսի 24-ին Թուրքիայի օդուժն արևմտյան կոալիցիայի ՌՕՈւ աջակցությամբ ցամաքային ռազմական գործողություն է սկսել Սիրիայի հյուսիսում, որն ուղղված է ԻՊ գրոհայինների և սիրիացի քրդերի կամավորական ջոկատների դեմ:
