Չնայած ստեղծված իմիջին, գրականության ասպարեզում Նոբելյան մրցանակակիր թուրք գրող Օրհան Փամուկը չի ցանկանում Արեւելքի եւ Արեւմուտքի միջեւ կամուրջներ կառուցող լինել: Այդ մասին նա հայտարարել է Գերմանիայով Համբուրգ իր հեղինակային ուղեվորության ժամանակ առաջին ելույթի ընթացքում: «Իմ խնդիրը չէ եվրոպացիներին Թուրքիան բացատրելն ու թուրքերին` Եվրոպան: Իմ խնդիրը լավ գրքեր գրելն է: Իսկ եթե ես անդրադառնում եմ եվրոպացիների եւ թուրքերի հարաբերությունների թեմային, ապա միայն այն պատճառով, որ չեմ ցանկանում` նրանք հակամարտեն»,- ընդգծել է Փամուկը: Ինքն իրեն համարում է երկու կողմերի ներկայացուցիչ: Հինգշաբթի Փամուկին շնորհվել է Բեռլինի Ազատ Համալսարանի պատվավոր դոկտորի կոչում, հայտնում է Deutsche Welle-ն: