Արցախի Հանրապետության նախագահ Բակո Սահակյանը սեպտեմբերի 30-ին շնորհավորական ուղերձ է հղել Աբխազիայի Հանրապետության նախագահ Ռաուլ Խաջիմբային՝ Անկախության օրվա կապակցությամբ:
Ուղերձում, մասնավորապես ասված է.
«Արցախի Հանրապետության ժողովրդի, իշխանությունների եւ անձամբ իմ անունից ի սրտե շնորհավորում եմ Ձեզ եւ եղբայրական Աբխազիայի ամբողջ ժողովրդին` Ազատագրման օրվա կապակցությամբ:
Սա մեծ տոն է, որը մարմնավորում է Աբխազիայի ժողովրդի հերոսությունը, արիությունը, անձնվիրությունը եւ ազատ ապրելու ու ինքնիշխան պետություն կառուցելու անկոտրում կամքը:Անկախ պետականության կերտման ճանապարհին Աբխազիան էական հաջողությունների է հասել, եւ մենք անկեղծորեն ուրախ ենք եղբայրական աբխազ ժողովրդի բոլոր ձեռքբերումների համար»:
Սեպտեմբերի 20-ին Արցախի Հանրապետության նախագահը շնորհավորական ուղերձ է հղել Հարավային Օսիայի Հանրապետության նախագահ Լեոնիդ Տիբիլովին` Անկախության օրվա առթիվ:
ԼՂՀ-ն ճանաչում է Հարավային Օսիայի և Աբխազիայի անկախությունը, ինչպես և հակառակը:
