Նոյեմբերի 2-ին «Մոսկվա» կինոթատրոնում ամփոփվել է 8-րդ «ՌեԱնիմանիա» Երևանի միջազգային անիմացիոն ֆիլմերի և պատկերապատման արվեստի փառատոնի արդյունքները։ Ձեզ ենք ներկայացնում փառատոնի մրցութային ծրագրերի հաղթողներին՝
Լավագույն լիամետրաժ ֆիլմ է ճանաչվել «Փսիքոնաթես.մոռացված երեխաներ»-ը՝ Իսպանիա, 2015, ռեժիսոր՝ Կարլոս Խուարես:
Լավագույն կարճամետրաժ ֆիլմ է ճանաչվել «Բեմադրված»-ը՝ Ֆրանսիա, Իսպանիա, 2016, ռեժիսոր՝ Ալբերտո Վազքես:
Լավագույն հայկական անիմացիոն ֆիլմ՝ Լև Ատամանովի անվան մրցանակ է ստացել «Պապիկիս երազը», Հայաստան, 2016, ռեժիսոր՝ Հայկ Կիրակոսյան:
Լիամետրաժ ֆիլմի լավագույն արտ կոնցեպտ` Վալենտին Պոդպոմոգովի անվան մրցանակ է ստացել «Փսիքոնաթես. մոռացված երեխաներ», Իսպանիա, 2015, ռեժիսոր՝ Կարլոս Խուարես:
Լավագույն հեռուստատեսային և ուսուցողական ֆիլմ է ճանաչվել «Փախչող Բիսկվիթը», Բելգիա, Ֆրանսիա, 2016, ռեժիսոր` Պասկալ Էկե:
Լավագույն ավարտական ֆիլմ է ճանաչվել «Գրամեքենա-գլուխ», Գերմանիա, 2015, ռեժիսոր՝ Էրիկ Ջիեսման:
Լավագույն երաժշտական անիմացիոն հոլովակ է ճանաչվել «Միրգ», Գերմանիա, 2016, ռեժիսոր՝ Գերհարդ Ֆանք:
ReAnimania միջազգային անիմացիոն կինոփառատոնն առաջին անգամ անցկացվել է Երևանում 2009-ին։ Նախագծի նխատակն անիմացիոն արվեստի օժանդակությունն է, համաշխարհային կարգի անիմատորների նոր սերնդի դաստիարակությունը և հայ անիմատորների աշխատանքների ցուցադրությունը համաշխարհային ասպարեզում, ինչպես նաև ամբողջ աշխարհից լավագույն անիմացիոն ֆիլմերի ցուցադրությունը։