Չինաստանի քաղաքացիները կկարողանան Հայաստան ժամանել էլետրոնային մուտքի արտոնագրերով: Այդ մասին նոյեմբերի 3-ին կառավարության նիստում հայտնել է ՀՀ ԱԳ փոխնախարար Շավարշ Քոչարյանը:
Փոխնախարարը հիշեցրել է, որ ըստ գործող կարգի, Չինաստանի բնակիչները պետք է անձամբ այցելեին դեսպանատուն ՀՀ մուտքի արտոնագիր ստանալու համար:
«Հաշվի առնելով երկրի աշխարհագրական մեծ չափերը, հասկանալի է, որ դա լուրջ բարդություններ է առաջացնում, ուստի, առաջարկվում է հնարավորություն տալ Չինաստանի քաղաքացիներին մուտքի արտոնագիր ստանալու համար օգտվել E-VISA համակարգից: Դա թույլ կտա ավելացնել Հայաստան այցելող չինացի զբոսաշրջիկների քանակը»,-ասել է Քոչարյանը, հայտնում է «Նովոստի-Արմենիան»:
Ըստ ԱԳՆ հիմնավորման, 2015-ին կտրուկ աճել է ՀՀ այցելող Չինաստանի քաղաքացիների թիվը` 70 տոկոսով, իսկ 2016-ի առաջին 5 ամիսներին նախորդ տարվա նույն ժամանակահատվածի համեմատ աճը կազմել է 80 տոկոս:
