Ամերիկյան Apple ընկերությունը ևս մեկ ծալովի iPhone է պատենտավորել: Ըստ պատենտի, այդպիսի հեռախոսի դիսփլեյը ճկուն է, գրում է Gazeta.ru-ն Apple Insider-ի վրա հղումով:
Պարբերականը համեմատում է սարքը 1990-ականներին տարածված Motorola-ի «փակովի» հեռախոսների հետ: Apple-ի պատենտային փաստաթղթերից հայտնի է դառնում, որ սմարթֆոնը կարող է ծալվել` հարմարավետության նկատառումներով:
Պատենտը ծալվելու մի քանի տարբերակ է նախատեսում` օրինակ, դիսփլեյով դեպի դուրս կամ ներս: Ինչպես նշում է պարբերականը, Apple-ը հազիվ թե մոտ ապագայում թողարկի ծալովի սմարթֆոնը, սակայն, ըստ լուրերի, ընկերությունը մտադիր է ճկուն OLED-դիսփլեյով iPhone ստեղծել արդեն 2017-ին:
Ավելի վաղ հայտնի դարձավ, որ Apple-ը ծալովի սմարթֆոն է պատենտավորել: Պատենտում նկարագրված է հայեցակարգը, որի համաձայն iPhone-ը կարող է ծալվել ածխաջրածնային նանոխողովակների հաշվին:
Samsung-ը ևս ճկուն դիսփլեյով ծալովի սմարթֆոնի հայտ է ներկայացրել: