Իրանը մտադիր է ընդլայնել հարաբերությունները Եվրասիական տնտեսական միության (ԵՏՄ) հետ: Այդ մասին դեկտեմբերի 23-ին Բիշքեկում հայտարարել է Իրանի նախագահ Հասան Ռոուհանին Ղրղզստանի նախագահ Ալմազբեկ Ատամբաևի հետ հանդիպմանը:
Ռոուհանին Բիշքեկ է ժամանել երկօրյա այցով դեկտեմբերի 22-ի ուշ երեկոյան: Նախատեսվում է մի շարք փաստաթղթերի ստորագրում:
«Իրանը մտադիր է ընդլայնել հարաբերությունները ԵՏՄ հետ և մտադիր է ազատ առևտուր վարել միության հետ»,-հայտարարել է Ռոուհանին: Նա հույս է հայտնել, որ այդ հարցը կքննարկվի ԵՏՄ անդամ երկրների նախագահների հանդիպմանը Մոսկվայում դեկտեմբերի 25-ին:
Դեկտեմբերի 21-ին Իրանի նախագահ Ռոուհանին Հայաստանում էր: «Եվրասիական տնտեսական միության շրջանակներում ԵՏՄ անդամ Հայաստանի հետ առանձնահատուկ պայմաններ են առաջացած համագործակցության համար և քայլեր են ձեռնարկվում դեպի ազատ առևտրի պայմանավորվածություն ձեռք բերելու ուղղությամբ», - ասել է Ռոուհանին Երևանում:
Հայ-իրանական բարձր մակարդակի բանակցությունների ավարտին ստորագրվել են ՀՀ և Իրանի միջև մի շարք ոլորտներում երկկողմ համագործակցության խորացմանն ուղղված փաստաթղթեր:
