Մալթայում վայրէջք է կատարել լիբիական ավիաընկերության Afriqiyah Airways A320 ինքնաթիռը, որտեղ գտնվող ահաբեկիչները սպառնում են պայթեցնել ինքնաթիռը, հայտնում է Reuters-ը Մալթայի ԶԼՄ-ների վրա հղումով:
flightradar24 պորտալում, որը դիտարկում է ինքնաթիռների թռիչքները, երևում է, թե ինչպես է ինքնաթիռը փոխել երթուղին:
Ահաբեկիչները երկուսն են: Նրանք դեռ ոչ մի պահանջ չեն ներկայացրել:
Այլ աղբյուրների համաձայն, հանցագործը մեկն է` նա պատրաստ է ազատ արձակել ուղևորներին, եթե նրա պահանջները կատարվեն:
Ինքնաթիռը ներքին ավիաչվերթ էր իրականացնում, ինքնաթիռում 118 մարդ կա:
Մալթայի վարչապետ Ջոզեֆ Մուսկատը հայտարարել է Twitter-ի իր պաշտոնական միկրոբլոգում, որ իրեն տեղեկացրել են լիբիական ինքնաթիռի հետ կապված խնդրի մասին: Ըստ նրա, անվտանգության ապահովման գործողություն է պատրաստվում: