ԱՄՆ նախագահ Դոնալդ Թրամփը սառեցրել է Պաղեստինյան ինքնավարությանը 221 միլիոն դոլարի փոխանցումը: Այս մասին հաղորդում է The Times of Israel-ը՝ հղում անելով բարձրաստիճան պաղեստինցի աղբյուրի հայտարարությանը:
Աղբյուրը նշում է, որ ԱՄՆ ներկայացուցիչները հայտարարել են պաղեստինցի վարչապետ Ռամի Համդալահին, թե միջոցները «չեն կարող փոխանցվել տեսանելի ապագայում»:
Ավելի վաղ հաղորդվել է, որ Միացյալ Նահանգների նախկին նախագահ Բարաք Օբամայի վարչակազմը նրա նախագահության վերջին ժամերին 221 մլն դոլար է փոխանցել Պաղեստինին: Հեռացող վարչակազմը նորընտիր նախագահ Դոնալդ Թրամփի երդմնակալության արարողությունից ժամեր առաջ տեղեկացրել է Կոնգրեսին Պաղեստինին փոխանցված գումարի մասին:
Կարդացեք նաև՝Թրամփը մասնակիորեն կասեցրել է Obamacare առողջապահական ծրագիրը