Փոլ Վերհովենի «Նա» ֆիլմն արժանացել է Ֆրանսիայի ազգային «Սեզար» կինոմրցանակի մրցանակաբաշխության գլխավոր մրցանակին: Իզաբել Յուպերը ճանաչվել է լավագույն դերասանուհի:
Ֆիլմը նաև «Ոսկե գլոբուսի» է արժանացել Լավագույն օտարալեզու ֆիլմ անվանակարգում:
Լավագույն ռեժիսորի համար մրցանակը շնորհվել է Քսավիե Դոլանին «Սա ընդամենը աշխարհի վերջն է» ֆիլմի համար, իսկ ֆիլմի գլխավոր դերակատար Գասպար Ուլելը լավագույն դերասան է ճանաչվել, գրում է Republic-ը: .
«Լավագույն արտասահմանյան ֆիլմ» անվանակարգում հաղթող է ճանաչվել «Ես՝ Դենիել Բլեյքս» բրիտանական ֆիլմը:
Ամերիկացի դերասան Ջորջ Քլունին արժանացել է «Պատվավոր Սեզարի»
«Սեզարը» Ֆրանսիայի ազգային կինոմրցանակն է։ Շնորհվում է սկսած 1976 թվականից Ֆրանսիայի Տեխնիկայի և կինեմատոգրաֆիական արվեստի ակադեմիայի կողմից (Académie des arts et techniques du cinéma)։ Մրցանակն իր անվանումը ստացել է քանդակագործ Սեզար Բալդաչինիի անունից։ Մրցանակաբաշխության արարողությունը կատարվում է ամեն տարի փետրվար ամսին Փարիզի «Շատլե» թատրոնում։