Ավարտվել է սուսերամարտի մինչև 20 տարեկան երիտասարդների Հայաստանի առաջնությունը:
Մրցումային վերջին օրը տղաները հանդես են եկել թրասուսեր, իսկ աղջիկները` ճկասուսեր զենքաձեւերում:
Աղջիկների պայքարում չեմպիոն է դարձել Արփինե Աթոյանը, երկրորդ տեղը զբաղեցրել է Անահիտ Ալոյանը, երրորդը` Սոնա Բարսամյանն ու Սեդա Գեւորգյանը:
Տղաների մրցույթում հաղթել է Լեւոն Քերոբյանը, երկրորդ տեղում Էդուարդ Բաղյանն էր, երրորդում` Արմեն Ղալաչյանն ու Վահան Նազարեթյանը, տեղեկացնում է ՀՀ Ազգային օլիմպիական կոմիտեն:
Մ 20 առաջնությանը մասնակցում էին ավելի քան 100 սուսերամարտիկ Երևանից, Գյումրիից, Վանաձորից և Բյուրեղավանից:
Սուսերամարտի մեծահասակների Հայաստանի առաջնությունն ամենայն հավանականությամբ կանցկացվի մայիսին: Ապրիլի 21-26-ը Մինսկում կկայանա մինչև 23 տարեկանների Եվրոպայի առաջնությունը, որին կմասնակցեն Էդուարդ Հովակիմյանը, Մայքլ Հովհաննիսյանը և Էմմա Պողոսովան: