ՀՀ կառավարությունը Երևանի Ադմիրալ Իսակովի պողոտայում Հայաստանում Չինաստանի դեսպանության նոր շենքի կառուցման համար 1.5 հա տարածք է հատկացրել: Համապատասխան որոշումն ընդունվել է գործադիրի մարտի 16-ի նիստում:

ՀՀ արտաքին գործերի նախարարի տեղակալ Շավարշ Քոչարյանը ներկայացրել է 2005 թվականի հունիսի 13-ին Պեկինում ստորագրված՝ «Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև միմյանց դեսպանությունների տեղակայման համար շենքեր և հողամասեր փոխադարձաբար տրամադրելու մասին» համաձայնագրում փոփոխություն կատարելու մասին հարցը։

«Դեսպանության նոր շենքի կառուցումից հետ չինական կողմը կհանձնի Բաղրամյան պողոտայում գտնվող դեսպանության շենքը»,- ասել է Քոչարյանը, հաղորդում է Aysor.am-ը:

Ներկայումս ՀՀ-ում Չինաստանի դեսպանությունը տեղակայված է Բաղրամյան 12 հասցեում: