ՄայիսինՀայկական կոնյակի փառատոն կանցկացվի: Փառատոնը կազմակերպում են «Զբոսաշրջության զարգացման հիմնադրամը» ՀՀ զբոսաշրջության պետական կոմիտեի հետ համատեղ:
Փառատոնը կանցկացվի մայիսի 7-ին Ծաղկաձոր քաղաքում:
Փառատոնին մասնակցության համար հրավիրվում են հայաստանյան կոնյակ արտադրող բոլոր ձեռնարկությունները, որոնք հետաքրքրված և շահագրգռված են Հայկական կոնյակի միջազգային ճանաչելության բարձրացման, ավանդական և նոր շուկաներում Հայկական կոնյակի հանրայնացման հարցում, ասվում է փառատոնի հասարակայնության հետ կապերի և լրատվության բաժնի հաղորդագրության մեջ: