Ֆուտբոլի միջազգային ֆեդերացիան (ՖԻՖԱ) կարող է որակազրկել Արգենտինայի հավաքականի հարձակվող Լիոնել Մեսսիին, հայտնում է Gazeta.ru-ն:
Ավելի վաղ ԶԼՄ-ներում տեղեկատվություն հայտնվեց այն մասին, որ ֆուտբոլիստը աշխարհի առաջնության որակավորման փուլում Արգենտինայի և Չիլիի (1:0) միջև խաղի ժամանակ վիրավորել է մրցավարներից մեկին: Երբ այդ տվյալները հասել են ՖԻՖԱ, ֆեդերացիան պարզաբանումներ է պահանջել Արգենտինայի ֆուտբոլի ասոցիացիայից (AFA):
Ասոցիացիան, իր հերթին, հայտարարել է, որ հիմքեր չի տեսնում նման պնդման համար: ՖԻՖԱ-ն դիմել է բրազիլական մրցավարական բրիգադին, որն աշխատում էր այդ հանդիպմանը և խոստովանել է, որ Մեսսից վիրավորանք չի լսել:
Այնուամենայնիվ, ՖԻՖԱ-ն հիշեցրել է AFA-ին, որ կարող է որակազրկել ֆուտբոլիստին նույնիսկ, եթե մրցավարները չեն հաստատել, որ արգենտինացին անպարկեշտ է եղել: