Մարմնամարզության Հայաստանի տղամարդկանց հավաքականի գլխավոր մարզիչ Հակոբ Սերոբյանը հրապարակել է այն մարզիկների անունները, որոնք մասնակցելու են Եվրոպայի առաջնությանը:
Եվրոպայի առաջնությունը կկայանա ապրիլի 19-23-ը Ռումինիայում:
«Եվրոպայի առաջնությանը կմասնակցեն մեր թիմի հիմնական կազմի չորս մարզիկ՝ Արթուր Դավթանը, Վահագն Դավթյանը, Արթուր Թովմասյանն ու Հարություն Մերդինյանը, ինչպես նաեւ Վիգեն Խաչատրյանն ու Արմեն Պետրոսյանը: Վիգենն ու Արմենը բազմամարտիկներ են, առանձին գործիքների վրա նրանցից մեծ ակնկալիքներ չունենք: Մեզ պետք են բազմամարտիկներ, ապագայում թիմային պայքարի համար: Հաջորդ տարվա Եվրոպայի առաջնությանը պետք է թիմով մասնակցենք:
Հավաքականում լավ մթնոլորտ է, ավելի լավ չէր կարող լինել»,-ասել է Սերոբյանը, հայտնում է ՀՀ Ազգային օլիմպիական կոմիտեն:
Դոհայում անցկացված մարմնամարզության աշխարհի գավաթի խաղարկության փուլում ՀՀ մարմնամարզիկները նվաճեցին մեկական ոսկե, արծաթե ու բրոնզե մեդալ:
