Երևանի Ազատության հրապարակում Կոնգրես-ՀԺԿ դաշինքն անցկացրեց վերջին տարիների ընթացքում իր առաջին խոշոր հանրահավաքը:
Ակցիային ներկա էր մի քանի հազար մարդ: Ելույթներ ունեցան ՀԱԿ փոխնախահահներ Արամ Մանուկյանն ու Լևոն Զուրաբյանը, ՀԺԿ առաջնորդ Ստեփան Դեմիրճյանը: Ելույթների մեխը դաշինքի հիմնական գաղափարն էր՝ տարածաշրջանում խաղաղության հաստատման անհրաժեշտությունը:
ՀԱԿ առաջնորդ Լևոն Տեր-Պետրոսյանը հանրահավաքին չմասնակցեց: Քարոզարշավի ընթացքում առաջին նախագահն առայժմ սահմանափակվել է 2 հարցազրույց տալով:
Ցույցից հետո դաշինքը երթ անցկացրեց մայրաքաղաքի փողոցներով:
Ապրիլի 2-ին ՀՀ-ում կայանալիք խորհրդարանական ընտրություններին է մասնակցելու 9 դաշինք ու կուսակցություն: