Սանկտ Պետերբուրգում ահաբեկչության հետևանքով տուժած հայերի մասին տվյալները չեն հաստատվում։ Պետերբուրգում ՀՀ գլխավոր հյուպատոսությունից հայտնել են, որ տվյալները դեռ վերջնական չեն։
Բացի այդ, Ռուսաստանի Դաշնության արտակարգ իրավիճակների նախարարությունը հրապարակել է պայթյունից տուժածների և քաղաքի բուժհաստատություններ տեղափոխվածների անվանացանկը:Ըստ նախնական տվյալների՝ նրանց թվում ազգությամբ հայ չկա:
Այս մասին ՀՀ արտաքին գործերի նախարարության Twitter-ի միկրոբլոգում գրել է ՀՀ ԱԳՆ մամուլի խոսնակ Տիգրան Բալայանը։
Ավելի վաղ հաղորդվել է, որ ապրիլի 3-ին Սանկտ Պետերբուրգի մետրոյի կապույտ գծում պայթյուն է որոտացել: Առնվազն 11 մարդ է զոհվել, ավելի քան 50 տուժած կա։ «Ռոսիա 24» հեռուստաալիքի եթերում ՌԴ Գլխավոր դատախազության ներկայացուցիչ Ալեքսանդր Կուրեննոյը հայտարարել է, որ պայթյունը Պետերբուրգի մետրոպոլիտենում ահաբեկչական գործողություն էր: