«Երկիր ծիրանի» կուսակցությունը մասնակցելու է Երևանի ավագանու ընտրություններին: Տարածած հայտարարության մեջ մասնավորապես ասված է.
«Մեր նպատակն է համայն հայության մայրաքաղաք Երևանի քաղաքապետի պատասխանատու և պարտավորեցնող պաշտոնը ծառայեցնել ի բարօրություն ժողովրդի:
«Երկիր Ծիրանի» կուսակցությունը ժողովի որոշմամբ մասնակցելու է Երևանի ավագանու կազմավորման քաղաքական գործընթացին իր սեփական ցուցակով, որը գլխավորելու է Զարուհի Փոստանջյանը»:
Ավագանու ընտրություններին ԵԼՔ դաշինքի ցուցակը գլխավորող Նիկոլ Փաշինյանը ավելի վաղ հայտարարել էր, որ դաշինքը առաջարկ է արել Զարուհի Փոստանջյանին՝ գլխավորել «Ելք» դաշինքի ցուցակը, ձևավորել դաշինք՝ ԵԼՔ-«Երկիր ծիրանի» Զարուհի Փոստանջյանի կամ էլ իր գլխավորությամբ, սակայն Փոստանջյանը մերժել է բոլոր առաջարկները: