ԱՄՆ Կալիֆորնիա նահանգի Օրինջ շրջանի քաղխորհուրդը երկրորդ տարին անընդմեջ ապրիլի 24-ը հայտարարում է Հայոց ցեղասպանության զոհերի հիշատակի օր, հայտնում է Asbarez թերթը:
Նշվում է, որ միջոցառմանը ներկա են եղել ԱՄՆ հայ համայնքի ներկայացուցիչները: Օրինջի վարչության անդամները շեշտել են, որ 1,5 մլն հայ է սպանվել, իսկ նրանց հողերը յուրացվել են թուրքական իշխանությունների կողմից:
Հայ համայնքի ներկայացուցիչները շնորհակալություն են հայտնել քաղխորհրդին արդարությանը սատարելու և պատմական իրողությունը քաղաքականությամբ չպայմանավորելու համար: Կոնգրեսական Դեյնա Ռորաբեյքերի ներկայացուցիչը կարևորել է նման վայրագությունների կանխարգելումն ապագայում:
Ամերիկայի Հայ դատի հանձնախմբի ներկայացուցիչ Անահիտ Առաքելյանը պատմել է, որ իր նախնիները փրկվել են հայերի կոտորածի ժամանակ և հասել ԱՄՆ, որտեղից փորձել են օգնել հայերին: Նա նաև հորդորել է ներկաներին դիտել «Խոստումը» ֆիլմը, որը բավականին ազդեցիկ ֆիլմ է Հայոց ցեղասպանության մասին:
Առաքելյանը նաև ներկայացրել է ղարաբաղյան հակամարտության իրողությունները և Արցախի պայքարը հանուն անկախության:
Ընթերցեք նաև. Ռայան Գոսլինգը միացել է «Խոստումը» ֆիլմին աջակցող Հոլիվուդի աստղերին