Հանրապետական կուսակցության օրակարգում այս պահին «Ծառուկյան» դաշինքի հետ կոալիցիա կազմելու հարց չկա: Այդ մասին հայտարարել է ՀՀԿ խոսնակ Էդուարդ Շարմազանովը ՀՀԿ գործադիր մարմնի հերթական նիստից հետո։
Նա «շատ հավանական» է համարել այն, որ ՀՀԿ-ական Արտակ Զաքարյանը և Արտակ Դավթյանը, հնարավոր է, գնան պաշտպանության նախարարություն, հայտնում է Aysor.am-ը։
«Քաղաքական որոշումը կայացված է։ Այո, դուք նրանց ապագայում կտեսնեք պաշտպանության նախարարությունում՝ որպես նախարարի տեղակալներ», - ասել է Շարմազանովը՝ նշելով, որ երկուսն էլ կարող են իրենց պրոֆեսիոնալ ունակությունները ներդնել Զինված ուժերում առկա մարտահրավերների լուծման հարցում։
«Բայց քանի դեռ հրամանը չկա, չեմ շտապում նրանց շնորհավորել», - ասել է Էդուարդ Շարմազանովը։
Արտակ Զաքարյանը և Արտակ Դավթյանը ԱԺ պատգամավորներ են Հայաստանի Հանրապետական կուսակցությունից:
