Մարմնամարզության Հայաստանի հավաքականը մեկնել է Ռումինիա` մասնակցելու Եվրոպայի առաջնությանը: Այս մասին հայտնել է ֆեդերացիայի գլխավոր քարտուղար Գառնիկ Սարոյանը:
Հակոբ Սերոբյանի գլխավորությամբ Ռումինիայում հանդես կգան Արթուր Դավթյանը, Արթուր Թովմասյանը, Վահագն Դավթյանը, Հարություն Մերդինյանը, Վիգեն Խաչատրյանը և Արմեն Պետրոսյանը:
Առաջնությունը կմեկնարկի ապրիլի 19-ին: Մինչ այդ մեր մարզիկները կմարզվեն մրցավայրում:
2017-ի մարտին Դոհայում անցկացված մարմնամարզության աշխարհի գավաթի խաղարկության փուլում ՀՀ մարմնամարզիկները նվաճեցին մեկական ոսկե, արծաթե ու բրոնզե մեդալ: