Իսրայելը շարունակում է ջանք գործադրել, որպեսզի օգնի Ադրբեջանում կալանավորված բլոգեր Ալեքսանդր Լապշինին, որը միևնույն ժամանակ ՌԴ-ի և Իսրայելի քաղաքացի է: Այս մասին ասել է Իսրայելի արդարադատության նախարար Աելեթ Շակեդը:
«Եթե նա դատապարտվի Ադրբեջանում, ապա մենք պետք է հասնենք նրան, որպեսզի իր պատիժը նա կրի Իսրայելում»,- մանրամասնել է նախարարը, հաղորդում է Interfax-ը:
Մի քանի անգամ Լեռնային Ղարաբաղ և Ադրբեջան այցելած Լապշինը ձերբակալվել է Մինսկում 2016 թվականին՝ Ադրբեջանի սահմանն ապօրինի հատելու մեղադրանքով: ՌԴ-ն ու Իսրայելը դեմ էին բլոգերի արտահանձնմանը, սակայն դիվանագետների ջանքերն արդյունք չտվեցին և փետրվարի 7-ին նա արտահանձնվեց Բաքու:
Նա նաև նշել է, որ Ռուսաստանն ու Իսրայելը նախատեսում են մինչև տարեվերջ փաստաթուղթ ստորագրել երկու երկրի միջև արտահանձման պարզեցման վերաբերյալ:
