Ի կատարումն Երևանի քաղաքապետի հանձնարարականի` սահմանամերձ գոտիներում ծառայող երևանաբնակ ժամկետային զինծառայողների ծնողների զորամասեր որդիներին այցելելու` արդեն ավանդական դարձած ծրագրի կազմակերպման և ժամկետների հստակեցման նպատակով արդեն իսկ կայացել են համապատասխան կառույցների հետ քննարկումները:
Քաղաքապետի գլխավոր խորհրդական Վանո Վարդանյանի փոխանցմամբ ձեռնարկվել են անհրաժեշտ միջոցներ` ապրիլի 28-ին սահմանամերձ զորամասերում ծառայող երևանաբնակ ժամկետային զինծառայողների ծնողների այցելությունները պատշաճ կազմակերպելու համար:
Զեկուցվել է, որ այցերի կազմակերպման ծրագրի շրջանակում զինծառայողների ծնողների տեղափոխման նպատակով տրամադրված հարմարավետ ավտոբուսներին ողջ ճանապարհի երկայնքով կուղեկցեն ճանապարհային ոստիկանության մեքենաները, ավտոբուսներում էլ ուղեկցողների թվում կլինեն բժիշկներ:
