Gmail փոստային ծառայությունը զգուշացնում է օգտատերերին Google Docs անվան տակ վնասակար ծրագրի մասին:
«Մենք հետաքննում ենք ֆիշինգային հաղորդագրությունները, որոնք նման են Google Docs-ի: Մենք հորդորում ենք անցում չկատարել հղումներով և նշել դրանք որպես ֆիշինգ»,-ասել են Gmail-ի ներկայացուցիչները, հայտնում է «Կոմերսանտը» The Verge-ի վրա հղումով:
Վնասակար հաղորդագրությունների տարածումը սկսվել է մայիսի 3-ին: Էլեկտրոնային նամակում, որի հեղինակ որպես կարող է նշված լինել օգտատերի ծանոթներից մեկը, առաջարկվում է փաստաթուղթ բացել Google Docs-ում: Հղումով անցնելու դեպքում պատուհան է բացվում և օգտատերին խնդրում են թույլատրել կառավարել շփումներն ու նամակագրությունը Google Docs կոչվող ծրագրով, որը ոչ մի կապ չունի Google-ի հետ և վնասակար է:
Տարածման առանձնահատկությունն այն է, որ այն գործում է իսկական փոստային ծառայության ներսում՝ օգտվելով կողմնակի ծրագրերին աքաունթին հասանելիություն տալու հնարավորությունից:
Այս պահի դրությամբ Google-ին հաջողվել է անջատել վնասակար ծրագիրը: Այդ մասին ընկերությունը հայտնել է Twitter-ում: