Նախագահի հրամանագրով Կարեն Կարապետյանը նշանակվել է ՀՀ վարչապետ: Սերժ Սարգսյանի ստորագրած համապատասխան որոշման մեջ, մասնավորապես, ասվում է.
«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 4-րդ կետով՝ որոշում եմ.
Կարեն Կարապետյանին նշանակել Հայաստանի Հանրապետության վարչապետ»:
Մինչ այս 6-րդ գումարման ԱԺ աշխատանքի մեկնարկի արդյունքում Կարապետյանի գլխավորած կառավարությունը հրաժարական էր տվել:
Ավելի վաղ Կարեն Կարապետյանը վարչապետ էր նշանակվել 2016-ի սեպտեմբերի 13-ին: Մինչև այդԿարեն Կարապետյանը Երևանի քաղաքապետ է եղել շատ կարճ ժամանակահատված՝ 2010-ի դեկտեմբերի 17-ից մինչև 2011-ի հոկտեմբերի 28-ը: