ՀՀ ԿԸՀ-ն կայքից կհեռացնի 4.000 ընտրողի անձնական տվյալները: Այդ մասին լրագրողներին է հայտնել արդարադատության նախարարության Անձնական տվյալների պաշտպանության գործակալության պետ Շուշան Դոյդոյանը:
Ըստ Ընտրական օրենսգրքի պահանջների, ՀՀ ԿԸՀ-ն հրապարակել է ԱԺ ընտրություններին մասնակցած ընտրողների սկանավորված ցուցակները, հայտնում է «Նովոստի Արմենիան»:
«Նախորդ շաբաթ մենք ներկայացրեցինք վարչական վարույթի արդյունքները, որոնց արդյունքում պահանջել ենք ԿԸՀ-ից հեռացնել 4.000 ընտրողի անձնագրային տվյալները, քանի որ դա խախտում է «Անձնական տվյալների պաշտպանության մասին» օրենքը,-ասել է Դոյդոյանը:
Նա հիշեցրել է, որ ԿԸՀ-ն չպետք է կայքում տեղադրեր ընտրողների բոլոր անձնագրային տվյալները՝ սահմանափակվելով միայն նրանց անուններով, ազգանուններով և հասցեներով, ինչպես նախատեսված է օրենքով: