Հռոմի պապը եկեղեցուն միասեռականներից ներողություն խնդրելու կոչ է արել
Հռոմի պապ Ֆրանցիսկոսը հայտարարել է, որ քրիստոնյաներն ու Հռոմի Կաթոլիկ եկեղեցին պետք է ներողություն խնդրեն միասեռականներից սեռական փոքրամասնությունների հանդեպ նախկինում դրսևորած վերաբերմունքի համար, հաղորդում է Reuters-ը:
Նա հայտարարել է, որ միասեռականները չպետք է խտրականության զոհ դառնան, նրանց պետք է հարգել:
«Եթե դա [միասեռականությունը,- խմբ.] մարդու վիճակ է, բայց նա բարի կամք ունի և փնտրում է Աստծուն, մենք ո՞վ ենք, որ դատենք»,- նշել է պապը:
Հռոմի պապ Ֆրանցիսկոսն ավելի վաղ դիմել է տարբեր կրոնների ներկայացուցիչներին՝ կոչ անելով միավորել ջանքերը «Աստծո անվան տակ» կատարվող բռնության ցանկացած դրսևորման, ահաբեկչության դեմ համատեղ պայքարի համար:
