Երևանում բացվել են արևային էներգիայով սնուցվող հանրային տրանսպորտի առաջին կանգառները։

Արևային վահանակները հանրային տրանսպորտի երկու կանգառներում տեղադրվել են Հայաստանում ԵՄ պատվիրակության նախաձեռնությամբ՝ վերականգնվող էներգիայի օգտագործումը խթանելու համար, հայտնում է Aysor.am-ը։

Կանգառները գտնվում են Մոսկովյան և Բաղրամյան փողոցներում և բնակիչներին թույլ են տալիս անվճար լիցքավորել բջջային հեռախոսները և թվային այլ սարքավորումները։ Յուրաքանչյուր կանգառ կարող է օրական լիցքավորել 24 հեռախոս։

Լիցքավորող սարքերից մեկն առաջինը փորձարկեց ՀՀ-ում ԵՄ դեսպան Պյոտր Սվիտալսկին։

«Ուղերձը շատ հստակ է, մենք սրանով փորձում ենք խթանել Հայաստանի էներգետիկ անկախությանը, ինչպես նաև արևային էներգիայի օգտագործումը հայերի համար», - ասել է Սվիտալսկին։

Նա նշել է, որ արևային վահանակները կանգառում կմնան մեկ տարի, դրանից հետո կփոխանցեն այլ հաստատությունների՝ դպրոցների կամ մանկապարտեզների։