Ըմբիշ Վարշամ Բորանյանը բրոնզե մեդալ է նվաճել միջազգային մրցաշարում
Հունահռոմեական ոճի ըմբշամարտի Հայաստանի հավաքականի անդամ Վարշամ Բորանյանն օրերս Իսպանիայում մասնակցել է միջազգային մրցաշարի: Բորանյանը 71 կգ քաշային կարգում բրոնզե մեդալ է նվաճել:
Սա աշխարհի առաջնության նախապատրաստական փուլ էր, որին հայ ըմբիշներից մասնակցել է միայն Բորանյանը, հայտնում է ՀՀ Ազգային օլիմպիական կոմիտեն:
Բորանյանը վնասվածքի պատճառով բաց էր թողել Թբիլիսիում կայացած միջազգային մրցաշարը:
Վարշամ Բորանյանը ծնվել է 1988-ին Շիրակի մարզի Ախուրյան գյուղում: Հունահռոմեական ոճի հայ ըմբիշ է, Եվրոպայի 2016 թվականի չեմպիոն, Հայաստանի բազմակի չեմպիոն:
