«Մանչեսթեր Յունայթեդի» լեգենդար կիսապաշտպան Ռայան Գիգզը հայտարարել է, որ խորվաթ կիսապաշտպան Իվան Պերիշիչի հնարավոր տրանսֆերը կխթանի մրցակցությունը անգլիական թիմում
«Եթե Պերիշիչը տեղափոխվի ՄՅՈւ, Հենրիխ Մխիթարյանը, Մարկուս Ռեշֆորդը և Անտոնի Մարտիալը ստիպված կլինեն ավելացնել ջանքերը: Կմեծանա մրցակցությունը»,-ասել է Գիգզը:
Ինչ վերաբերում է Ռոմելու Լուկակուին, Գիգզն ասել է, որ վերջինս միշտ ճնշման է ենթարկվելու: «Մանչեսթեր Յունայթեդում» դու մշտապես պետք է ապացուցես, որ արժանի ես լինել մեկնարկային կազմում»,-ասել է Գիգզը, հայտնում է Dailymail-ը Sky Sports-ի վրա հղումով:
Ավելի վաղ տեղեկություններ տարածվեցին այն մասին, որ «Մանչեսթեր Յունայթեդը» բանակցում է Պերիշիչի տրանսֆերի շուրջ, սակայն կողմերը դեռ համաձայնության չեն եկել: