ՌԵՈՒ-ն շահել է «Հայկական երկաթուղու» կառավարման իրավունքի համար հայտարարված մրցույթը
«Ռուսաստանի երկաթուղիներ» (ՌԵՈՒ) ընկերությունը շահել է «Հայկական երկաթուղի» ՓԲԸ-ի կառավարման իրավունքի համար հայտարարված մրցույթի 30 տարի ժամկետով` եւս 20 տարով այն երկարացնելու իրավունքով:
Նախօրեին հայտնի դարձավ, որ ՌԵՈՒ-ն մնացել է մրցույթի միակ մասնակիցը «Հայկական երկաթուղի» ՓԲԸ-ի կառավարման իրավունքի համար հայտարարված մրցույթում: Հնդկական RITES ընկերությունը, որը նույնպես նախնական որակավորում էր անցել, հրաժարվել է մասնակցել մրցույթին:
Ընդամենը ՌԵՈՒ-ն մտադիր է ներդնել 570 մլն դոլար, որից 230 միլիոնը կներդրվի առաջին հինգ տարիների ընթացքում: Այդ միջոցները կուղղվեն ընկերության արդիականացմանը, վերանորոգմանն ու շարժակազմերի ձեռքբերմանը, ինչպես նաեւ` ենթակառուցվածքների զարգացմանը, հաղորդում է Լենտա.ռու-ն:
«Հայկական երկաթուղուն» է պատկանում երկրի ողջ երկաթուղային կառուցվածքը եւ շարժակազմերի ու լոկոմոտիվների մեծ մասը: 2007 թվականի արդյունքներով հայկական ընկերության մաքուր եկամուտը կազմել է շուրջ մեկ միլիոն դոլար:
Նախօրեին հայտնի դարձավ, որ ՌԵՈՒ-ն մնացել է մրցույթի միակ մասնակիցը «Հայկական երկաթուղի» ՓԲԸ-ի կառավարման իրավունքի համար հայտարարված մրցույթում: Հնդկական RITES ընկերությունը, որը նույնպես նախնական որակավորում էր անցել, հրաժարվել է մասնակցել մրցույթին:
Ընդամենը ՌԵՈՒ-ն մտադիր է ներդնել 570 մլն դոլար, որից 230 միլիոնը կներդրվի առաջին հինգ տարիների ընթացքում: Այդ միջոցները կուղղվեն ընկերության արդիականացմանը, վերանորոգմանն ու շարժակազմերի ձեռքբերմանը, ինչպես նաեւ` ենթակառուցվածքների զարգացմանը, հաղորդում է Լենտա.ռու-ն:
«Հայկական երկաթուղուն» է պատկանում երկրի ողջ երկաթուղային կառուցվածքը եւ շարժակազմերի ու լոկոմոտիվների մեծ մասը: 2007 թվականի արդյունքներով հայկական ընկերության մաքուր եկամուտը կազմել է շուրջ մեկ միլիոն դոլար:
