Այսօր ՀՀ ԱԳ նախարար Վարդան Օսկանյանն ընդունեց ԵԱՀԿ Մինսկի խմբի համանախագահներ Բերնար Ֆասիեին (Ֆրանսիա), Մեթյու Բրայզային (ԱՄՆ) եւ Յուրի Մերզլյակովին (Ռուսաստան), հաղորդում է ՀՀ ԱԳՆ մամլո ծառայությունը: ԵԱՀԿ Մինսկի խմբի համանախագահները տեղեկություններ հաղորդեցին Ստեփանակերտում Արցախի իշխանությունների հետ ունեցած բանակցությունների արդյունքների մասին եւ կիսեցին ԼՂՀ եւ Ադրբեջանի զինված ուժերի շփման գծում դիտարկումից ստացված տպավորությունները: Նախարար Օսկանյանը եւ համանախագահները անդրադարձան բանակցային փաստաթղթի` կողմերի միջեւ չհամաձայնեցված հարցերին: