Boston Globe-ի տեսանյութերի և պրոդյուսերական բաժնի ղեկավար, պրոդյուսեր և լրագրող Անուշ Էլբակյանն արժանացել է ամերիկյան Հեռուստատեսության ազգային ակադեմիայի «Էմմի» մրցանակին Societal Concerns Program/Special (հասարակական թեմաներով հեռուստահաղորդումներ) անվանակարգում:

Էլբակյանը մրցանակը ստացել է Spotlight Investigation: Private Schools, Painful Secrets («Մասնավոր դպրոցներ. ցավոտ գաղտնիքներ») ֆիլմի համար, որի պրոդյուսերն է նա հանդիսանում, հայտնում է Asbarez-ը:

Փաստագրական ֆիլմը պատմում է հարյուրավոր աշակերտների պատմությունը, որոնք տևական լռությունից հետո պատմել են աշխատակիցների սեռական ոտնձգությունների մասին Նոր Անգլիայի գիշերօթիկ դպրոցներում:

2016-ին Էլբակյանը «Էմմի» է ստացել «Մեկ օր Լեոյի կյանքից» կարճամետրաժ ֆիլմի համար: Ֆիլմը պատմում է մի տղայի մասին, որը տուժել է հրդեհից, հետո կյանքի վերադարձել հոգածության և խնամքի շնորհիվ: