Հայաստանը Վրաստանին օգնություն է ուղարկել Բորժոմիի անտառներում բռնկված լայնամասշտաբ հրդեհը մարելու համար։
Վրաստանի նախարար Գեորգի Կվիրիկաշվիլին նշել է, որ մի քանի հաշվարկ ՀՀ-ից ժամանել են Վրաստան՝ պայքարելու կրակի դեմ։
Ադրբեջանն ու Թուրքիան ևս օգնում են վրացի հրշեջներին, այդ թվում՝ ուղղաթիռներով։
ՌԴ-ն ևս առաջարկել է օգնությունը, սակայն, Կվիրիկաշվիլիի խոսքերով, եղածը բավարար է։ Նա հույս է հայտնել, որ լրացուցիչ օգնության կարիք չի լինի։
Պայքարը կրակի դեմ բարդացնում է բարձր ջերմաստիճանն ու քամին։ Անտառում ժամանակավոր ջրի խողովակներ են տեղադրվել՝ հրշեջների գործը հեշտացնելու համար։