PAN Photo-ի լուսանկարիչ Արեգ Բալայանի MOB ֆոտոպատմությունը հաղթել է վավերագրական լուսանկարների «Ուղիղ հայացք» մրցույթի «Կոնֆլիկտ» անվանակարգում:
MOB նշանակում է մոբիլիզացիա՝ ռազմական ուժերը խաղաղ իրադրության վիճակից պատերազմականի բերելը: Սա Ապրիլյան պատերազմի օրերին Արեգի արած ֆոտոշարքն է:
Լուսանկարների շարքը պատմում է այն ճանապարհի մասին, որն Արեգն անցել է որպես զինվոր՝ 2016-ի ապրիլի 2-ից մինչև հունիսի 1-ը՝ սահմանապահ տղաների հետ ապրելով Արցախի հյուսիսային սահմանին՝ հայտնի որպես «Եղնիկներ» զորամաս:
Արեգ Բալայանի MOB շարքից «Վերջապես հանգիստ» լուսանկարը մայիսի 16-ին հաղթել է «Ավրորա» նախաձեռնության «Մարդասիրության աչքերով» ֆոտոցուցահանդեսում: